اسمه الاول على اسم خليل الله وما بعرف غير يقلك حياك الله .. اسمه الثاني يذكر في مصر كثيرا وشعره ابيض غزيرا .. بفكـــر حاله نائب ومســـؤول، وهو لا يفعل ما يقول، وهو من طبيعة البشر الغير مسؤول وزي ام العروس فاضي مشغول وبعيش حياته بالعرض والطول واعصابه دايما كول .... وبالعشى بوكل فول .. وزي ايلول ناشف مبلول ويكره عبد الله ابن سلول، وعمره ما سجل جول ورايح جاي عسامح مول . ساكن في عبدون ومستمتع بالهوا العليل ووعد اصحابه برمي الاكاليل ويامى تغنى وفرش على ضفاف النيل و عنده مشكلة بالتطبيع مع اسرائيل .. ضد الدولة المدنية وعمره ما وجه اسئلة نيابية ويدافع بقوة عن الكتل الاسلامية وهو من الطبقة المخملية وما فتح النار على الهيئات الحكومية، وبالسلط عمل صاجية لصحابه الشيوخ والحراكية .. يحاضر بالسياسة وعينه على الرئاسة وما معاه من العلم كاسه وسراجه مثل النواسه وسوالفه مضيعة الطاسة. قليل الحمد وعمره ما حكى جد وللفساد عمره ما لد وامواله الكثيرة ما الها عد. فاضي ما عنده جديد وبقول ان في المجلس العقيد والزملاء بس يحكوا عنه بقول عنه البعيد ورأيه ليس سديد وبفكر حاله فريد . نسي وجه الفرح وبافكار الناس سرح ولموازنة الدولة عمره ما اقترح وبالحكومة الثقة ما فكر ولا طرح .. عنده الكثير من الجبروت وبالصيف نايم على شجر التوت فهل عرفتم هذا الكتكوت ..