اسمه الاول على اسم انجليز وبفكر حاله جانكيز .. اسمه الثاني على وزن رشيد وبنيته قوية وصنديد .. قاعد ساكت في البرلمان وهو من نواب شرق عمان وحلق اللحية من زمان وقرايبه طلعوا فرمان عمره ما يرجع على البرلمان ودايما يقدم الامتنان . دايما لابس لفحه وبحب اكل اللحمه وراح على مسرحية سمعه .. عنوانه بحي نزال وبدلاته بتشيلها بشوال وعمره ما لبس عقال .. بالكلام بهجي تهجاي وبس يشوفك بقلك تعال جاي ومنح الثقة للحكومة رايح جاي وما بتشوفه الا بشرب شاي وبالليل بسمع ناي وبالدار ما عنده واي فاي وضرباته للحكومة عكس ضربات كلاي . قدم للحكومة التبريرات وشاطر باللف على المناسات وعمره ما لبى لقرايبه احتياجات وهاجم الاسلاميين بكل المجالات ونجح بالمساعدات وقدك الكثير من التوصيات وده يدمج المؤسسات والتخلي عن الهئيات يتلعثم بالخطابات وما بعرف يدير الازمات ونجح نكاية بالواسطات وحتى ما ينجحوا جماعة الاصلاحات . امكانياته ضعيفة وقدراته محدودة وبرلماني بتاريخ متواضع وسياسي غير محنك واقتصادي غير بارع . طالب بتخفيف الدين العام وعلى صحابه النواب ما برمي السلام وبياع كلام وضريب افلام . قالوا وين المستثمرين وعمره على ابواب الخمسين وخلص زمن الطيبين هذا كلامه امام المحبين .