اسمه الاول من ما حمد وعبد والناس لكلامه غير مردد ولمكافحة الفساد غير متشدد وللمياه العكره متصيد وفي المجالس عمره ما كان متسيد وللحريات الصحفية مقيد .. اسمه الثاني مش لاقيله معنى وصوته بس بطلع بالمغنى .. بلبس النظارة بس يسولف وكان بزمانه يلعب جولف .. هاجم الاعلام وقال عنه برمي السهام مع انه بالمجلس بياع كلام وعلى صحابه بسوي افلام وقرايبه قالوا عنه ما بلتام .. عمره على خمسة وخمسين وما طلع باعتصام فلسطين وبحكي عن الاردنيين شعب الجبارين ومع الحكومة نعامة ومسكين وبتعامل معهم بلين وخطاباته بتنفس زي البلالين .. والله يبعده عن الانسولين وبتابع عماد فراجين واله اصل بالشام وجنين وبمعان بوكل تين وبالسلط اله بساتين. اله علاقة بالفرق الشعبية وكان عضوا في الجمعيات الخيرية واشتغل بسلطة منطقة العقبة الاقتصادية وهاي ابرز انجازاته العصرية .. اكثر من سعادة بطلعلهوش وقال للحكومة ساعطيكم الثقة تكلكوش وبخطاب الموازنة مسمعنهوش وبس يجوع بروح على رنوش وان يكون نائبا مخضرما انصاره ما يحلموش .. في العقبة بطل محبوب ولارادته مسلوب ونايم ومش لهلوب والكلام اله منسوب والرنج اله ركوب .. يسكن جنوب البلاد ومش عارف يشتغل على الايباد وبالسفر زي السندباد.