اسمه الاول على من انبياء الله وبسهم الحكومة رماه وبجنوب الاردن سواه ويرجع عالمجلس علواه ظوو. اسمه الثاني قريب من القمر ولمصاري المجلس كمر وباللجنة الصحية اله نمر وحلمه يركب همر وطول حياته بوكل هبر وبعامل زباينه معاملة التتر والطيبة من قلبه انتحر وشكلو راح يطير على القمر , و برمضان ما بفطر على تمر و بدابوق قريبا رح يعمر قصر وبتروح عليه صلاة العصر وكان يحب يتمشى بجبل النصر . يسكن بعيد من عمان وخايف من اسئلة البرلمان وما بتعشى الا متبل باتنجان وشعاره بالدنيا يلعن راس ابو الزعلان واله مزرعة قريبة من بطن الاوله كمان ورح يطير مع اول فرمان وناصح زي نعمان وبتغطى بالف حرام بس بضله بردان وبحب يشتغل مع عائلة بدران وعلى انجازاته عمره ما رح يتعلقله نيشان . بحب قعدة القهاوي وقعداته فيها رشاوي وبحب اكل الصواني كيف على ضرب المعتصمين بالهراوي وعلى ترويحتهم شكلو ناوي والسوق الاردني بسببه صار هاوي ونور الاسواق فيها صار طافي وبصغره كانو يلقبوه يا ضاوي وعلى وجه المي طافي . بجيب رواتب من كل زاوية ورح يودي الناس على الهاوية ونظاراته كعب كباية .. مهاجم مش فنان واخر مباراة بالمجلس كان زيادة على المكان والجمهور منه زعلان في السياسة هو ليس بفنان ولا يشار له بالبنان وافكاره قديمة من ايام التركمان وشاطر باللف والدوران ويقول دائما انا من مواليد نيسان وفي مجلس النواب نعسان ومشهور بالطب والجراحة كمان وبالنيابة ما اله زمان ... فهل عرفتم هذا الانسان .