اسمه الاول على وزن "لزيز" ويا الله شو شاطر بالتغميز والتلميز وبالمجلس ناقصه تركيز وبعده بالثلاجة بالتفريز اسمه الثاني قريب من عبيد الله ويالله ما ازكاه وما بوزع زكاه .. والقراقيش زكاه وما بعرف صبحه من مساه ويهنيال من سواه والكل شكاه لسوء اداه وبحب صيفه وبكره شتاه وبغني على ليلاه .. نايم ومش مهتم وما حدا حوليه ملتم وانجازاته مش بالكم وكثير النق والعم وعمره ما تبرع بوحدة دم .. ناصح وراح عند ابو ركبة عالجم عشان يشيل اللحم والشحم وارجتله ما بنزل عنها الفحم ونفسه يزور سحم وعالحكومة عمره ما رمى سهم وقرايبه ما بقول عنه شهم ويا الله شو ثقيل الوزن وبالقصاحة ما عنده علم . بالمقاولات اله كار واسعاره كله نار ومن جماعة بشار ومش من النواب الكبار ولا من جماعة التيار ومعاه كرت غوار وما حدا بطلع معاه مشوار وشعراته بدهن سشوار ومش ثقيل العيار وعامل حاله كمندار وبطل يهمه شو ما صار لا نافع ولا ضار وبخاف من مسمار . غلبوه الاصلاح ومنهم عبى الدنيا صياح ومن النيابة نزل طياح وشو ما عمله مش رح ينفع النواب الملاح مش بدوي واصله فلاح ورفعوا قرايبه في وجه السلاح وكان قبل النيابة مساح ، وبلبنان سواح وصاحبه مش مرتاح لا هو فهلوي ولا هو لماح. قالوا عنه مستوفي الشروط ومن وراه المجلس ينافس على الهبوط ومقيد مربوط ومن الحكومة مجلوط ومع قاعدته الانتخابية مش مزبوط فهل عرفتم هذا القاروط ..