اسمه الاول على وزن بارق .. وجاء على الاردن مارق وعمره لم يحدث فارق. اسمه الثاني على وزن كوري وبحب النظام السوري وصاحب العموري وقف بالانتخابات مع المومني . بحب اكل الجاتو وبدافع عن حلف الناتو وبخبي كل اعماله تحت البالطو . في الاندومي اله عنوان ومش مخلي من شره انسان ورايح جاي علبنان وعامل حاله غلبان .. ولحب المناصب ولهان ودايما نعسان وعيونه على التجاوزات مثل الغزلان .. وطوله مطرق ريحان واله بجرش مزارع رمان وبكل مصاريه مش شبعان. مقضيها لعب في المجلس النيابي وهو صاحب نكتة وفكاهي وبلبس بالعشرة جلسات بدله رمادي وبحب يجلس جنب الطير البغدادي .. متأفف من كثرة الجلسات ويعاني دسك الرقبة والويلات وتجده يناقش على كل المحطات ويتلعثم كثيرا على الفضائيات .. يحب السفريات وخصوصا اذا كانت على حساب المياومات ، ورط البلد بالندوات اللي اسمها بجيب الشبهات . نسايبه سلطية والباص السريع عمله قضية وبكره الملوخية ومش معروفله هوية وصيته وصل العالمية و يدافعوا عنة بالمواقع الالكترونية والصبح ما يشرب غير ميرامية ويا الله شو عنده انانية وبدلاته مش اصلية .. وبعطاءاته ما في سرية .. بحكي عن داعش وللحكومة دايما راعش ونفسه يدخل في حزب الباحش فهل عرفتم هذا الناغش ..!!