اسمـــه الاول على اسم رائد وهو حملة زائد عن العائد وهو من اهل ملبس الناشد وبشبه الكابتن ماجد ولا على ناس رادد ولقرايبه صادد وبفكر حاله مقدام وقائد ، وشاطر بالنصح والارشاد ودخلته على البلدية بالصدف والكاد وهي دقني اذا عاد وعلى قرايبه مش راد .. غلبوه الاصلاح ومنهم عبا الدنيا صياح ومن البلدية نزل طياح وشو ما عمله مش رح ينفع النواب الملاح مش بدوي واصله فلاح ورفعوا قرايبه في وجهه السلاح وكان قبل الهندسة مساح وكتلته نجحت وهو راح .. اسمه الثاني من الايمان وشاطر بفرط الرمان ويالله شو منان وبفكر حاله حكيم مثل لقمان وفي الشمال اله عنوان وما خلاله صاحب كمان وبيبع وبشتري من التركمان وانيق وجنتل مان وغنوا عنه انه شايل حمل البرلمان وغناله السلمان وشكا عليه الجيران انه عنده خزان مليان . صوتوا له ابناء الكنانة وفي خطاباته قال الصوت امانة والقصة مش قصة رمانة القصة قلوب مليانة .. جرافته دايما حمرا ويحمل البشرة السمرة وطريقه خضرا . غير مهتم بالشؤون الخارجية ولا يحب اكل الملوخية ولم يشبع من الدولارات الامريكية وعمل على الطرود الخيرية طمعا بالمناصب والحقائب الوزارية ... عاهد منتخبيه على البناء ولا احد يختلف انه يملك الدهاء ورسوبه كان غير مفاجىء لاصحاب النداء .. شعاره الابدي الاسد وشيباته بدون عدد وسيقول كلام في هذا الصدد ..