الشاهد -
عيد ميلادها الثامن عشر واللي قلدها بنقله فشر وبس تقرأها ما بصيبك ضجر ... رئيس مجلس ادارتها صخر ابو عنزة فسقان وبفت عليها مصاري من بنوك عمان وبحبها اكثر من الرمان.. وبظل يغنيلها يا زينة الاوطان اخطبوط وبقرأ الفنجان والكل منه راضي وزعلان وبتلاقيه بكل مكان وبفتخر انه من حاضرة الزمان وبانتخابات السلط واقف مع الخشمان . بلعب على مية حبل وغلباوي مش سهل وشايب ولكن مش كهل وماشي برنجه على مهل .. نظيرة السيد رئيس التحرير دائما تحتاج تبرير وفنانة باختيار العناوين وبتحب الصبح تفتح دواوين ... محرر شؤون البرلمان عبد الله العظم الطربان استاذ وبالمجلس فهمان وبطلع من الجلسة نعسان ودايما بالعسل غرقان .. ربى بنت العطار لقاءاتها زي النار وما بتسأل شو ما صار وبتروح بدري عالدار .. علي ابو ربيع وبالسلفي بديع بشغل المحافظات ضليع وعالدرج يا الله شو سريع .. تركي السيلاوي نعسان وغفيان وصورته ما في زيها بعمان وشيخ وتقي كمان .. القيسي ابراهيم مايسترو ومش لئيم والشغل من ايده بطلع سليم وما بده تعليم ... خلف العبادي شيخنا وكبيرنا الى ما بعادي وايده للخير بتنادي وبساتينه جبل ووادي .. ايمن الخطيب ومخرج وبالاسافين طبيب ومبدع بالطرنيب وبالاخراج رهيب.. الشبلي سوزان صوتها كروان وبشؤون الموظفين الها عنوان وبكتابة الخصم ما الها امان .. فراس الحرباوي مدير اداري وكله بلاوي وعالخير مش ناوي وبدقك وانت صاحي وساهي .. احمد الفار دينمو وفرار واسرع من رويتر بنقل الاخبار وافضل من يكتم الاسرار .. اما كاتب هذه السطور معتز ابو عنزة المغرور شاطر باللف والدور وبابتسامته مشهور ..