اسمـــه الاول على اسم رائد وهو حملة زائد عن العائد .. اسمه الثاني على وزن رمان ويا الله شو منان وبفكر حاله حكيم مثل لقمان وفي الشمال اله عنوان وما خلاله صاحب كمان وببيع وبشتري من التركمان وانيق وجنتل مان وقالوا عنه انه شايل حمل البرلمان وغناله السلمان. صوتوله ابناء الكنانة وفي خطاباته قال الصوت امانة والقصة مش قصة رمانه القصة قلوب مليانة .. دنجوان مجلس النواب وكل اشي عنده ثواب وعقاب وما بوخد بالاسباب وهو ليس من اصحاب الارباب . جرافته دايما حمرا ويحمل البشره السمرة وطريقه خضرا . يسبح دائما مع التيار وهو ليس من النواب الكبار ولا يعد ثقيل العيار ومع قرايبه بار وبتحدى كل الاخطار وبطل يهمه شو ما صار ... عمره على ابوب الاربعين وبحط جل مثل ابناء العشرين وهو من اصحاب الملايين وعلى اصواته دفع الغالي والثمين ويمكن ما ينجح المرة الجاية المسكين. غير مهتم بالشؤون الخارجية ولا يحب اكل الملوخية .. وعمل على الطرود الخيرية طمعا بالمناصب والحقائب الوزارية ... عاهد منتخبيه على البناء ولا احد يختلف انه يملك الدهاء . دخل في ميمعة الاستثمار وعمل ديزني لاند قريبة من الاغوار .. ضليع بعمل المولات وفتح العديد من الاستثمارات وجلب لاربد اغلب الوكالات ..