اسمـــه الاول على اســـم سيف الله المسلول وبفكـــر حاله مســـؤول، وهو لا يفعل ما يقول ، وهو من طبيعة البشر الغير مسؤول وزي ام العروس فاضي مشغول وبعيش حياته بالعرض والطول واعصابه دايما كول .... وبالعشى بوكل فول عشان يظل مسطول وزي ايلول ناشف مبلول ويكره عبد الله ابن سلول ، وعمره ما سجل جول ورايح جاي عسامح مول . هو من اهل ملبس الناشد وبشبه الكابتن ماجد ولا على ناس رادد ولقرايبه صادد وبفكر حاله مقدام وقائد .. والمقطـــع الثـــاني من اسمه على وزن شيكات بمنصب وزير وعامل الويلات وشاطر بالتبرير امام عدسات الكاميرات .. بصوم الشهر الفضيل وساكن في عبدون ذو الهوا العليل وعنده اصحابه برمي الاكاليل ويا ما تغنى وفرش على ضفاف النيل وما عنده مشكله بالتطبيع مع اسرائيل .. ينادي بالدولة المدنية وعمره ما رد على اسئلة نيابية ونافس بقوة الكتل الاسلامية وهو من الطبقة المخملية وما فتح النار على الهيئات الحكومية ، وبالشميساني عمل صاجية لصحابه الدجيتلية ووزع مهلبية عندما حاز على لقب المعاليه. بحب الاضواء والاعلام وقربت تروح عليه الايام وكل قرار يبصم عليه بالابهام ونظراته على النواب كالسهام والمنسف يعطيه الالهام .. ويقول اوعكوا تقربوا على المال العام ويعد اكثر النواب سحيب افلام ويا الله شو بياع كلام . شعاره الابدي الاسد وشيباته بدون عدد وسيقول كلام في هذا الصدد وبالطفيلة اله قرايبه بالمدد ..